Almaty oblysynda adasyp ketken balyqshylar qutqaryldy

ASTANA. KAZINFORM – Almaty oblysynyń taýlarynda izdestirý-qutqarý jumystary sátti aıaqtaldy. Bul týraly TJM baspasóz qyzmeti habarlady.

Алматы облысында адасып кеткен балықшылар құтқарылды
Фото: ТЖМ

22 naýryz kúni keshke Almaty oblysy TJD 112 pýltine tańerteń erte bes adam Uzyn-Qarǵaly ózeniniń boıyndaǵy Qarǵaly aýylynyń taýlaryna balyq aýlaýǵa barǵany týraly habarlama kelip túsken.

Toptan tek bir adam ózdiginen túsip, qalǵan tórteýiniń (bir eresek jáne úsh jasóspirim) qaıda ekendigi belgisiz bolǵan.

— 3 tehnıka, 2 uqyshsyz ushý apparaty, 2 kınologııalyq esep jáne 2 spýtnıktik telefon arqyly izdestirý-qutqarý jumystaryna jumyldyrylǵan 13 qutqarýshy balyqshylardy Uzynqarǵaly bógetinen 15 km joǵary ashyq aýmaqta tapty, — delingen TJM habarlamasynda.

Joǵalǵan adamdardyń jaǵdaıy turaqty. Eshkimge medıtsınalyq kómek qajet emes. Qutqarýshylardyń súıemeldeýimen olar taýdan túsirilip, eldi mekenge jetkizildi.

Aıta ketelik Jambyl oblysynyń qutqarýshylary Aqmola oblysyna attandy.

Сейчас читают