Almaty oblysynda 90 mln teńge jymqyrǵan aýrýhana esepshisi 7 jylǵa sottaldy

QONAEV. KAZINFORM – Uıǵyr aýdandyq ortalyq aýrýhanasynyń esepshisi memlekettik satyp alýǵa qatysýshylardyń 90 mln teńgesin jymqyrǵany úshin 7 jylǵa bas bostandyǵynan aıyryldy. Bul týraly oblystyq prokýratýranyń baspasóz qyzmeti málim etti.

Vedomstvodan atap ótkendeı, bul qarajatty kásipkerler aýrýhananyń banktik shotyna sharttardyń oryndalýyna kepildik túrinde engizgen.

Azamatsha D. aýdandyq aýrýhananyń esepshisi bola otyryp, bul qarajatty óz shotyna aýdarý arqyly ıemdengen.

Almaty oblysynyń prokýratýrasy taǵy 50 mln teńgege buzýshylyqtardy anyqtady, olar 25 kásipkerge qaıtarylýy qajet bolǵan. Prokýratýranyń qadaǵalaý aktisimen aqshanyń bir bóligi bıznes sýbektilerine qaıtaryldy.

«Zańnamaǵa sáıkes, merdigerler tapsyrys berýshilerdiń shottaryna sharttyq mindettemelerdiń oryndalýyn qamtamasyz etý bolyp tabylatyn shart qunynan 3% aqshalaı qarajat engizedi. Bul aqsha memlekettik satyp alý boıynsha mindettemeler oryndalǵannan keıin kásipkerge qaıtarylady», - dep atap ótti prokýratýradan.