22:07, 28 Qańtar 2024 | GMT +5
Almaty oblysynda 80-nen asqan ájeıdi óz úıinde býyndyryp, tonap ketti
EŃBEKShІQAZAQ. KAZINFORM — Almaty oblysynda qart áıeldi tunshyqtyryp, tonap ketken er adamdar ustaldy.
Eńbekshiqazaq aýdanynyń polıtsııasyna 81 jastaǵy jergilikti turǵyn aryzdandy.
Ol óz aryzynda medıtsınalyq betperde kıgen eki beıtanys jigittiń úıiniń aýlasyna kirip, ony qylǵyndyryp, uıaly telefon men qolma-qol aqshasyn urlap ketkenin baıandaǵan.
28 qańtar kúni jedel izdestirý kezinde 1978 jáne 1989 jyly týǵan Almatynyń eki turǵyny ustaldy.
Olar óz qylmysyn tolyǵymen moıyndaǵan.
Polıtsııa qyzmetkerleri istiń mán-jaıyn tolyq, jan-jaqty jáne obektıvti tergeýdi qamtamasyz etý úshin saraptama taǵaıyndady.
Tergeý júrip jatyr.
Ustalǵandardyń osyǵan uqsas ózge qylmystarǵa qatysy bar-joǵy tekserilýde.