Almaty oblysynda 8 synyp oqýshysy men muǵalim arasynda daý shyqty
QONAEV. KAZINFORM – Almaty oblysy Іle aýdanynda ornalasqan mektepterdiń birinde hımııa pániniń muǵalimi úıinde dápterin umytyp ketken oqýshyǵa aıǵaılap, oǵan qol kótergen. Oqıǵanyń vıdeosy áleýmettik jelige shyqty.
Atalǵan oqıǵa boıynsha Almaty oblysy Іle aýdanynyń bilim bólimi túsinik berdi.
«Atalǵan derek Іle aýdanynyń polıtsııa basqarmasynda tirkeldi, kámeletke tolmaǵan oqýshyǵa qatysty sot-medıtsınalyq saraptama taǵaıyndaldy. Qazirgi ýaqytta muǵalimniń ústinen QR ÁQBtK-niń 73-baby ákimshilik hattama toltyryldy, sondaı-aq qatań sógis jarııalandy. Sot-medıtsınalyq saraptama qorytyndysy shyqqan soń bul materıal ákimshilik sotqa joldanady. Qazirgi ýaqytta sotqa deıingi tergeý amaldary júrgizilýde», - dep habarlady Іle aýdanynyń bilim bólimi.
Almaty oblysy polıtsııa departamenti Qosózen aýylynyń turǵynynan 25 qańtar kúni aryz túskenin habarlady.
«Atalǵan derek aýdandyq polıtsııada tirkelip, muǵalim jaýapqa tartyldy. Sonymen qatar, kámeletke tolmaǵan balanyń ata-anasynyń dálelderi boıynsha túpkilikti is júrgizý sheshimin qabyldaý úshin saraptamalyq zertteýler taǵaıyndaldy», - dep habarlady polıtsııada.
