Almaty oblysynda 72,9 myń gektar jer memleket menshigine qaıtaryldy
ALMATY. KAZINFORM — Jyl basynan qazirge deıin jalpy aýmaǵy 72,9 myń gektar bolatyn, 257 jer ýchaskesi memleket menshigine qaıtaryldy.
Almaty oblysy ákimdigi jer zańnamasyn buza otyryp berilgen jáne paıdalanylmaǵan aýyl sharýashylyǵy maqsatyndaǵy jerlerdi qaıtarý jumysyn jalǵastyryp jatyr.
Jalpy, óńirde paıdalanylmaı jatqan jerlerdiń jalpy alańy 345,1 myń gektar.
«Jyl basynan qazirge deıin memleket menshigine 72,9 myń gektar qaıtaryldy. Onyń ishinde 41,6 myń gektar alqap menshik ıeleriniń óz erkimen qaıtarylsa, 31,3 myń gektar sot sheshimimen zańsyz dep tanylyp, úlgilik jaldaý sharttarynyń kúshi joıyldy. Jyl sońyna deıin oblys boıynsha jalpy alańy 70 myń ga bolatyn jerdi qaıtarý josparda», — dep atap ótti oblystyq ákimdikten.
Osyǵan deıin satyp alý quqyǵynsyz 49 jyl merzimge senimgerlik basqarýǵa berilgen Esik kólindegi bóget Almaty oblysynyń kommýnaldyq menshikke qaıtarylǵany týraly jazǵan bolatynbyz.
