Almaty oblysynda 700-ge jýyq merekelik is-shara ótedi
ALMATY. KAZINFORM – Almaty oblysynda óńirdiń eki mıllıon turǵyny men qonaqtary Naýryz meıramyn dástúrler men jańashyldyqtardy úılestire otyryp, jańa aýqymda qarsy almaq.
Oblys kósheleri Naýryz merekesiniń jańa logotıpi beınelengen jarqyn plakattarmen bezendirilip, meıramhanalar men dámhanalar, onyń ishinde Qonaev qalasyndaǵy ataqty mekemeler kelýshilerge, ulttyq taǵamdardan merekelik as mázirlerin usynady.
Naýryzdyń 1-i men 25-i kúnderi aralyǵynda 92 iri saýda ortalyǵynda «Naýryz satý» jeńildik aktsııasy ótýde. Sonymen qatar 11-24 naýryz aralyǵynda iri saýda ortalyqtarynyń aldynda «Naýryz qalashyqtary» uıymdastyrylyp, kelýshiler qazaqtyń kıiz úılerin, kórmelerin, jármeńkeler men Tık-Toktaǵy fotoreportajdardy tamashalaı alady.
Naýryzdyń 14-i men 23-i aralyǵyndaǵy Naýryznama onkúndigi jańa dástúrler engizip, merekeni ıdeologııalyq maǵynamen, ár kúnin taqyryptyq baǵyttarymen tolyqtyrady:
14 naýryz: «Kórisý kúni – Amal merekesi» 3 000 adam qatysatyn kezdesýlermen merekelik is-sharalar jáne teatrlandyrylǵan kórinister;
15 naýryz: Qaıyrymdylyq aktsııalarymen jáne qarttar úıindegi is-sharalar;
16 naýryz: 2 000 adam qatysatyn mádenı sharalarmen kórmeler jáne kontsertter;
17 naýryz: «Shańyraq» atty otbasy qundylyqtaryna arnalǵan baıqaýlar men merekelik jármeńkeler;
18 naýryz: «Ulttyq kıim kúni» jáne 500 adam qatysatyn ulttyq kıim úlgileriniń taqyryptyq kórsetilimi men chellendjderi;
19 naýryz: «Jańarý» kúnderi baǵytynda Almaty oblysy boıynsha 15 850 aǵash otyrǵyzylyp tazartý senbiligi ótedi.
20 naýryz: «Ulttyq sport» taqyrybynda oıyndar uıymdastyrylady.
21 naýryz: «Yntymaq» taqyrybyndaǵy turǵyn úı kvartaldarynyń ulttyq merekelik is-sharalary;
22 naýryz: «Jyl basy» atty buqaralyq sharalar, halyqtyq merekeler men merekelik jármeńkeler;
23 naýryz: «Tazarý» jalpyulttyq ekologııalyq jáne aýmaqtardy jappaı tazalaý naýqany;
Merekelik is-sharalardan bólek, Almaty oblysynyń damýy men órkendeýiniń sımvolyna aınalatyn, oblystaǵy dene shynyqtyrý-saýyqtyrý jáne sport keshenderin, kásiporyndar men emdeý mekemelerin qamtıtyn jańa nysandardy ashý josparlanyp otyr.
Qoryta aıtqanda, Almaty oblysyndaǵy Naýryz meıramyn toılaý, óńirdiń mádenı murasynyń baılyǵy men turǵyndarynyń birligin kórsetetin jarqyn jáne umytylmas oqıǵa bolmaq.
