Almaty oblysynda 68,5 shaqyrym sýarý júıesi jańǵyrtylyp jatyr
ASTANA. KAZINFORM – Almaty oblysynda jalpy uzyndyǵy 68,5 shaqyrym bolatyn ırrıgatsııa júıelerin jańǵyrtý jumystary aıaqtalýǵa jaqyn.
Almaty oblysynyń Eńbekshiqazaq aýdanynda Baltabaı sýarý alqabyndaǵy ırrıgatsııa júıelerin jańǵyrtý jumystary aıaqtalýǵa jaqyn.
Joba aıasynda jalpy uzyndyǵy 68,5 shaqyrymnan asatyn 31 kanaldy rekonstrýktsııalaý kózdelgen. Onyń ishinde jalpy uzyndyǵy 15,2 shaqyrym bolatyn 4 kanal sharýashylyqaralyq, al jalpy uzyndyǵy shamamen 53,3 shaqyrymdy quraıtyn 27 kanal sharýashylyqishilik kanaldarǵa jatady.
Qazirgi ýaqytta qurylys-montaj jumystary 100 paıyzǵa oryndalǵan. Jobany iske asyrý Baltabaı aýyldyq okrýgindegi 5 myń gektar sýarmaly jerdi sýmen qamtamasyz etýdi jaqsartýǵa múmkindik beredi.
- Barlyq nysan «Qazsýshar» RMK-nyń «D. Qonaev atyndaǵy Úlken Almaty kanaly» fılıalynyń qaramaǵynda. Baltabaı sýarý alqabyn tolyq paıdalanýǵa kelesi jyldyń vegetatsııa kezeńine deıin daıyndaý josparlanyp otyr, – dedi Sý resýrstary jáne ırrıgatsııa vıtse-mınıstri Jandos Sálimov.
