Almaty oblysynda 54 myń gektar jer bos jatyr - prokýratýra

QONAEV. KAZINFORM – Almaty oblysynyń prokýratýrasy paıdalanylmaı jatqan 18 myń gektar jerdi memleketke qaıtardy. 

Almaty oblysy prokýratýrasy Enbekshiqazaq aýdanyndaǵy jalpy aýdany 54 myń gektardan asatyn 120 jaıylymdyq jerdiń belgilengen maqsatqa saı paıdalanylmaıtynyn anyqtady.

«Bul menshik ıeleri men jer paıdalanýshylardyń maly joq, sondaı-aq, bul jerler azamattar men memleketke eshqandaı paıda ákelmegen degen sóz. Sonyń nátıjesinde prokýratýranyń is-sharalarymen 180 mln teńgege 18 myń gektar jaıylymdyq jer memleket menshigine qaıtaryldy», - dep habarlady prokýratýranyń baspasóz qyzmeti.

Sondaı-aq, prokýratýrada qalǵan jerlerdi qaıtarý jumystary jalǵasýda, qazir ol sottyń qaralýynda ekenin habarlady.