Almaty oblysynda 51 jastaǵy er adamnyń máıiti tabyldy

QONAEV. KAZINFORM – Almaty oblysynda 9 qarasha kúni er adamnyń máıiti tabyldy. Oblystyq polıtsııa kisi óltirý faktisi boıynsha polıtsııa qylmystyq is qozǵady. 

Almaty oblysy Polıtsııa departamenti málimetine sáıkes, 51 jastaǵy er adamnyń denesi Qarasaı aýdany Almalybaq aýylynyń shetinde tabylǵan. Áleýmettik jelide ol 2 qarasha kúni habar-osharsyz ketkeni týraly habarlandyrý jarııalanǵan bolatyn. 

– Kisi óltirý faktisi boıynsha polıtsııa qylmystyq is qozǵady. Jedel-izdestirý is-sharalarynyń barysynda 9 qarashada krımınaldyq polıtsııa qyzmetkerleri tórt kúdiktini ustap, ýaqytsha ustaý ızolıatoryna qamaýǵa aldy. Qazirgi ýaqytta qylmystyń barlyq jaǵdaıy men sebepterin obektıvti zertteýge baǵyttalǵan qajetti tergeý áreketteri júrgizilip jatyr, - dep habarlady oblystyq PD baspasóz qyzmeti. 

Eske salaıyq, buǵan deıin Aqtóbede áıeldi uryp óltirgen kúdikti ustalǵanyn jazǵanbyz.