Almaty oblysynda 437,9 myń gektar jerge aýyl sharýashylyǵy daqyldary egiledi

ASTANA. KAZINFORM – Óńirde 2026 jylǵy kóktemgi egis jumystaryna daıyndyq qarqyndy júrgizilip jatyr. 

Bıyl aýyl sharýashylyǵy daqyldaryn 438 myń gektar jerge ornalastyrý josparlanǵan. Onyń ishinde egis alqaptarynyń 51%-y, ıaǵnı 224 myń gektary — sýarmaly jerler.

Egis alqaptarynyń qurylymynda dándi daqyldar 175 myń gektardy alyp jatyr, onyń ishinde júgeri — 55,7 myń gektar. Maıly daqyldar — 26,6 myń gektarǵa, kartop — 9,7 myń gektarǵa, kókónister — 17,1 myń gektarǵa, baqsha daqyldary — 2,9 myń gektarǵa egiledi. Mal azyqtyq daqyldar 206,6 myń gektar jerge sebiledi. Sonymen qatar 25,2 myń gektarǵa kúzdik daqyldar aldyn ala egilgen.

Qazirdiń ózinde 56 myń tonna tuqym daıyndaldy, al 78,4 myń tonna mıneraldy tyńaıtqysh engizý josparlanyp otyr.

«Keń dala» baǵdarlamasy aıasynda kóktemgi jáne kúzgi dala jumystaryn júrgizýge 10 mlrd teńge qarastyrylǵan. Jeńildetilgen baǵdarlama boıynsha búginde 3,5 mlrd teńge somasyna 28 ótinim qabyldandy.

Egis jumystaryna 5,4 myń tonna jeńildetilgen dızel otynyna ótinim berildi.

Sonymen qatar aýyl sharýashylyǵy tehnıkasyn jańartý jumystary jalǵasyp jatyr. Qazirgi ýaqytta oblysta 13,8 myń aýyl sharýashylyǵy tehnıkasy bar, onyń 97%-y kóktemgi dala jumystaryna daıyn. Bıyl 640 jańa tehnıka satyp alý josparlanyp otyr.

Agrarlyq sala ókilderi egis naýqanyn belgilengen merzimde jáne joǵary daıyndyqpen ótkizýge yntaly.

Eske salsaq bıyl ǵylymı sharýashylyqtardaǵy egis kólemi 4,6%-ǵa artady.