Almaty oblysynda 40 shaqty týrıst mingen avtobýs apatqa ushyrady
QONAEV. KAZINFORM – Almaty oblysynda týrıster mingen avtobýs jol apatyna ushyrady. Zardap shekkender bar.
Almaty oblysy ákimdiginiń málimetinshe, jol apaty búgin, 27 mamyr saǵat 10:20-da Kegen jáne Eńbekshiqazaq aýdanynyń shekaralas aýmaǵynda bolǵan.
«Aldyn ala aqparat boıynsha, avtobýs QazAvtoJol jelisine jatatyn Alasa asýyndaǵy kúrdeli jol burylysynda joldan shyǵyp ketken. Oqıǵa ornyna dereý Kegen aýdanynan eki jedel járdem brıgadasy shyqty. Avtobýsta 37 týrıst bolǵan. Kegen aýdandyq aýrýhanasyna 5 adam, Jalaǵash aýdandyq aýrýhanasyna 4 adam, Shelek aýylyna 4 adam jetkizildi»,-dep habarlady ákimdikten.
Qaza tapqan eshkim joq.
«Jol apatynyń sebebi ázirge belgisiz, tergeý júrip jatyr. Zardap shekkenderdiń jaǵdaıy turaqty, týrıster dárigerlerdiń baqylaýynda»,- dep atap ótti ákimdikten.
