Almaty oblysynda 362 saıajaı eldi mekenderge qosyldy
QONAEV. KAZINFORM — Almaty oblysynda 362 saıajaı ýchaskesi eldi mekenderge qosyldy.
Almaty oblysy ákimdiginiń málimetinshe, óńirde barlyǵy 674 saıajaı bar, onyń ishinde Qarasaı aýdanynda — 200, Іle aýdanynda — 157, Talǵar aýdanynda — 152, Eńbekshiqazaq aýdanynda — 135, Jambyl aýdanynda — 21 jáne Qonaev qalasynda — 9.
Almaty oblysynyń sáýlet jáne qala qurylysy basqarmasy Almaty oblysynyń 362 saıajaı ýchaskeleriniń aýmaqtaryn qamtıtyn qala qurylysy qujattamasyn ázirledi.
Olar negizinen Almatyǵa jaqyn Qarasaı, Іle, Talǵar, Eńbekshiqazaq pen Jambyl aýdandarynda ornalasqan.
Máselen, Іle aýdanynda segiz eldi mekenge 88 saıajaı, Qarasaı aýdanynda 101 saıajaı 6 eldi mekenge, Talǵar aýdanynda 93 saıajaı ýchaskesi 6 eldi mekenge jáne Eńbekshiqazaq aýdanynda 35 saıajaı ýchaskesi eki eldi mekenge qosyldy. Sondaı-aq Qonaev qalasyna 8 saıajaı ýchaskesiniń aýmaǵy kirdi. Taǵy 36 saıajaı jańa qurylǵan Alataý qaoasyna qosyldy.
«2024-2025 jyldary qalǵan 313 saıajaı aýmaǵyn jaqyn mańdaǵy eldi mekender shekarasyna qosý kezeń-kezeńimen júrgiziledi», — dep habarlady Almaty oblysynyń ákimdigi.
