Almaty oblysynda 33 adamdy aldaǵan jer kadastry bóliminiń mamany sottaldy
QONAEV KAZINFORM — Almaty oblysy Jambyl aýdandyq sotynda alaıaqtyq jasady (QK-tiń 190-babynyń 3-bóligi 1, 2, 4-tarmaqtary) dep aıyptalǵan A. esimdi azamatqa qatysty qylmystyq is qaraldy.
Jambyl aýdandyq sotynyń málimetinshe, 2024-2025 jyldary sottalýshy «Azamattarǵa arnalǵan úkimet» memlekettik korporatsııasynyń aýdandyq tirkeý jáne jer kadastry bóliminiń mamany bola tura, óz quzyretin asyra paıdalanǵan. Ol azamattarǵa jer telimderin arzan baǵaǵa alyp beretinin jáne úı qujattaryn zańdastyryp beretinin aıtyp, jalǵan ýáde bergen. Osylaısha, ol turǵyndardyń senimine kirip, 33 adamnyń aqshasyn aldaý arqyly alǵan.
Sottalýshynyń kinási onyń óz kinásin moıyndaýymen, jábirlenýshilerdiń aıǵaqtarymen, aqsha aýdarymdarynyń túbirtekterimen, qolhattarmen jáne beınejazbalarmen tolyq dáleldengen.
— Sot úkimimen A. kináli dep tanylyp, oǵan 3 jyl merzimge bas bostandyǵynan aıyrý jazasy taǵaıyndaldy. Sonymen qatar ol ómir boıyna memlekettik qyzmette, qarjy uıymdarynda jáne kvazımemlekettik sektorda laýazymdardy atqarý quqyǵynan qaǵyldy. Jábirlenýshilerdiń azamattyq talaptary qanaǵattandyryldy. Úkim zańdy kúshine endi, — dep habarlady aýdandyq sottan.
Eske salaıyq, buǵan deıin Almaty oblysynyń úsh turǵyny qyzdy alyp qashqany úshin sottaldy.
