Almaty oblysynda 30 úıdiń aýlasy sý astynda qaldy

QONAEV.KAZINFORM — Almaty oblysynda tótenshe jaǵdaıǵa baılanysty jedel shtab quryldy.

Búgin saǵat 08:25 shamasynda Uzynaǵash aýylynda súzgi alqaptarynyń qorǵanys bógeti buzylǵan. Nátıjesinde 30 turǵyn úıdiń aýlasy sý astynda qaldy.

Oblys ákimdiginiń málimetinshe, oqıǵa ornyna Almaty oblysy ákiminiń orynbasary Áset Masabaev pen oblystyq Tótenshe jaǵdaılar departamentiniń bastyǵy attanǵan.

— Qosymsha sý basý qaýpiniń aldyn alý jáne saldaryn barynsha azaıtý maqsatynda qorǵanys bógetterin nyǵaıtý, sondaı-aq aǵyndy sýlardy turǵyn úılerden burý jumystary júrgizilip jatyr. Tótenshe jaǵdaıdyń saldaryn joıý úshin 5 arnaıy tehnıka jumyldyrylyp, qosymsha taǵy 5 tehnıka shaqyryldy. Jumysqa 15 maman qatysyp jatyr, — dep habarlady ákimdikten.

Eske salaıyq, buǵan deıin Almaty oblysynda sý basý qaýpi joǵary 13 ýchaske anyqtalǵanyn jazǵanbyz. 

Vıdeo: Almaty oblysynyń ákimdiginen