Almaty oblysynda 17 laýazymdy tulǵa tártiptik jaýapqa tartyldy
ASTANA. KAZINFORM - Almaty oblysynyń jergilikti atqarýshy organdarynyń 17 laýazymdy tulǵasy memlekettik aýdıt qorytyndysy boıynsha tártiptik jaýapkershilikke tartyldy.
Joǵary aýdıtorlyq palata bıyl mamyrda óńirdegi tekserý is-sharalaryn aıaqtady. Aýdıt barysynda QR-nyń bıýdjet jáne ózge de zańnamalary boıynsha birqatar buzýshylyqtar anyqtaldy.
Joǵary aýdıtorlyq palatanyń nusqamasyn oryndaý sheńberinde oblystyń atqarýshy organdarynyń 17 laýazymdy tulǵasy buzýshylyqtarǵa jol bergeni úshin tártiptik jaýapkershilikke tartyldy. Óńirdiń basqarmalarynyń biriniń basshysyna qatysty qazirgi ýaqytta qyzmettik tekserý júrgizilýde.
Sonymen qatar oblysákimi memlekettik aýdıt kezinde anyqtalǵan buzýshylyqtardy joıý jónindegi is-sharalar josparyn bekitti. Búgingi tańda ony iske asyrý jalǵasýda.
Aıta keteıik, «QazMunaıGaz» ulttyq kompanııasy QR Joǵary aýdıtorlyq palatasynyń nusqamasy sheńberinde óz aktıvterin ótkizý sharttarynyń oryndalýyna baqylaýdy kúsheıtkenin habarlaǵan edik.
