Almaty oblysynda 168 sheteldik elden shyǵaryldy
QONAEV. KAZINFORM — Almaty oblysynda osy jyldyń birinshi toqsany boıynsha kóshi-qon salasyndaǵy jumys qorytyndylandy.
Oblystyq polıtsııa departamentiniń málimetinshe, atalǵan kezeńde kóshi-qon zańnamasyn buzǵany úshin 3,7 myńnan astam adam jaýapkershilikke tartylǵan. Onyń ishinde shamamen 2,9 myń shetel azamaty jáne 700-den astam Qazaqstan Respýblıkasy azamaty sheteldik jumys kúshin tartý jáne paıdalaný kezinde zań buzýshylyqtarǵa jol bergen.
— Sot sheshimderi boıynsha 168 shetel azamaty el aýmaǵynan shyǵaryldy. Sonymen qatar boryshkerlerdi izdestirý jumystary aıasynda 15 alıment tólemeýshiniń jáne 22 ózge de izdeýde júrgen boryshkerdiń ornalasqan jeri anyqtaldy, — dep habarlady departamentten.
Eske salaıyq, buǵan deıin Almatyda kóshi-qon zańnamasyn buzǵan 132 sheteldik el aýmaǵynan shyǵarylǵanyn jazǵanbyz.
