Almaty oblysynda 150 metr tereńdikke qulap ketken shaǵyn avtobýs shyǵaryldy
ASTANA. KAZINFORM – Almaty oblysynda «Kólsaı kólderi» ulttyq parki aýmaǵynda shatqalǵa qulap ketken mıkroavtobýs qutqarýshylardyń kómegimen shyǵaryldy.
TJM málimetinshe, kólik eńisten syrǵyp ketip, shamamen 150 metr tereńdiktegi shatqalǵa túsken.
– «Qazseldenqorǵaý» qyzmetkerleri gıdrobeket salý jumystaryn júrgizip jatqan kezde oqıǵa ornyna jedel jetti. Almaty oblysy TJD kúshterimen birlesip, kólik quraly qoljetimsiz aýmaqtan sátti shyǵaryldy, – delingen habarlamada.
Oqıǵa saldarynan zardap shekkender joq.
Qutqarýshylar taýly aımaqtarda qozǵalý kezinde qaýipsizdik sharalaryn qatań saqtaý qajettigin eske saldy.
Aıta keteıik, TJM qutqarýshylary ormandy alapat órtten qorǵap qaldy.
