Almaty oblysynda 15 jastaǵy qyzdy pyshaqtap ketken kúdikti ustaldy

  Almaty oblysynyń polıtseıleri Uzynaǵash aýylynda kámeletke tolmaǵan qyzdy pyshaqtap ketken kúdiktini anyqtap, ustady, dep habarlaıdy Kazinform.

Almaty oblystyq polıtsııa departamentiniń málimetinshe,12 qazan kúni tańǵy saǵat 6:00 shamasynda Jambyl aýdandyq polıtsııa bólimine Uzynaǵash aýylynyń 15 jastaǵy jergilikti turǵyny pyshaq jaraqatymen aýrýhanaǵa túskeni týraly habarlama keldi.

Atalǵan fakti QR QK-niń 24-babynyń 3-bóligi, 99-babynyń 2-bóligimen aýdandyq polıtsııa basqarmasynda tirkeldi.

«Jedel izdestirý jumystary barysynda tártip saqshylary 23 jastaǵy jigitti anyqtap, ustady. Qazirgi ýaqytta faktini tergep-tekserýdiń tolyqtyǵyn, jan-jaqtylyǵyn jáne obektıvtiligin qamtamasyz etý úshin qajetti saraptamalyq tekserýler taǵaıyndaldy», - dep habarlady vedomstvodan.

Ustalǵan er adam ýaqytsha ustaý ızolıatoryna qamaldy. Tergeý múddesine saı basqa aqparat jarııa etilmeıdi.