Almaty oblysynda 141 iri qaraǵa qarasanǵa qarsy ekpe salyndy
QONAEV. KAZINFORM – Almaty oblysy Uıǵyr aýdanynda qarasan (sibir jarasyna) qarsy kúres sharalary jalǵasyp jatyr.
Óńir ákimdiginen málim etikendeı, Uıǵyr aýdany, Jaryq týma ýchaskesinde mal dárigerleri 141 bas iri qaraǵa sibir jarasyna qarsy ekpe ekti. Sonymen qatar, veterınarlar ınfektsııa oshaǵyn joıý maqsatynda 1800 sharshy metr qora jaıdy dezınfektsııalady. Zalalsyzdandyrý jumystary dezstroılaıt preparatynyń 1 paıyzdyq eritindisimen júrgizildi.
«Úlken aqsý aýyldyq okrýginde aýrý juqtyrýy múmkin 25 ıt pen 4 mysyq aýlanyp, tıisti veterınarlyq tekserýden ótti. Bul sharalar adamdar men janýarlardyń densaýlyǵyn qorǵaýǵa baǵyttalǵan», - dep atap ótti ákimdikten.
Veterınarııa mamandary aýyl turǵyndaryn mal aýrýlarynyń aldyn alý úshin sanıtarlyq-epıdemıologııalyq erejelerdi qatań saqtaýǵa shaqyrdy.
Osyǵan deıin Almaty oblysy Uıǵyr aýdanyna qarasty Úlken Aqsý aýyldyq okrýginde sibir jarasyna kúdikti tórt jaǵdaı tirkelgeni týraly jazǵan edik.
Aıta keteıik, osyǵan baılanysty aýylda veterınarlyq-sanıtarlyq ýaqytsha shekteý sharalary engizildi.
