Almaty oblysynda 14 jasar bala shlıýzge aǵyp ketti

QONAEV. KAZINFORM — Respýblıkalyq jedel-qutqarý jasaǵy Almaty oblysynda bir balanyń sýǵa ketkenin habarlady. 

Almaty oblysy Qarasaı aýdany Eltaı aýylynda bir top jasóspirim sý qoımasynyń ashyq shlıýzynyń mańaıynda shomylyp júrgen.

Úıge qaıtar ýaqytta olar bir balanyń joq ekenin baıqaǵan.

Óz betinshe izdep tappaǵan soń shlıýzdy jaýyp qutqarýshylardy shaqyrǵan.

RJQJ súńgýir-qutqarýshylarynyń jedel toby oqıǵa ornyna shyǵyp izdeýdi bastady.

Qutqarýshylar shamamen batqan ornyn anyqtap teksergennen keıin shlıýzdy ashý jóninde sheshim qabyldady.

Sý jiberilgennen keıin arnadan 2008 jyly týǵan balanyń denesi tabyldy.

Shamamen shomylyp júrgen kezinde bala sýǵa batyp, keıinnen denesin qubyrǵa tartyp áketken.