Almaty oblysynda 14 mlrd teńge tıimsiz josparlanǵan: 200 laýazymdy tulǵa jaýapqa tartyldy
QONAEV. KAZINFORM – Almaty oblysy boıynsha tekserý komıssııasy 2025 jyldyń 9 aıyndaǵy aýdıtorlyq qyzmetiniń negizgi qorytyndysyn jarııalady.
Almaty oblysy boıynsha tekserý komıssııasynyń múshesi Qýanysh Esenamanov 9 aı ishinde memlekettik aýdıtpen 197 mlrd 467,5 mln teńge qamtylǵanyn aıtty. Onyń ishinde jergilikti bıýdjet qarajaty - 197 mlrd 246,4 mln teńge, respýblıkalyq bıýdjet qarajaty - 221,1 mln teńge.
- Qazaqstan Respýblıkasy zańnamasynyń normalaryn saqtamaý saldarynan jiberilgen buzýshylyqtar somasy 23,9 mlrd teńge boldy. Ótken jyldyń osy kezeńimen salystyrǵanda buzýshylyqtardy anyqtaý deńgeıi eki esege jýyq artty. Atalǵan qarjy ishinde qarjylyq buzýshylyqtar 9 mlrd 152 mln teńge, tıimsiz paıdalanylǵan bıýdjet qarajaty 399,2 mln teńge, tıimsiz josparlanǵan bıýdjet qarajaty 14 mlrd 372,9 mln teńge, - dedi Qýanysh Esenamanov.
Sonymen qatar ol memlekettik aýdıt obektilerine oryndaý úshin mindetti 55 tapsyrma jáne 8 usynys jiberilgenin atap ótti.
- Aýdıt júrgizý barysynda jiberilgen buzýshylyqtar boıynsha 54 laýazymdy tulǵa tártiptik jaýapkershilikke jáne 155 laýazymdy tulǵa ákimshilik jaýapkershilikke tartyldy, bıýdjetke jalpy somasy 16,8 mln teńge aıyppul tústi, - dedi ol.
Oblys boıynsha tekserý komıssııasynyń múshesi memlekettik aýdıt nátıjesi boıynsha protsestik sheshim qabyldaý maqsatynda 1 materıal quqyq qorǵaý organdaryna jáne 2 materıal prokýratýraǵa joldanǵanyn aıtty.
- Sondaı-aq buryn berilgen aýdıt materıaldaryna sáıkes, 2025 jylǵy 23 shildedegi sot úkimi negizinde 4 adam kináli dep tanylyp, ár túrli merzimge bas bostandyǵynan aıyryldy. Bul - byltyr Almaty oblysynyń aýyl sharýashylyǵy basqarmasynda anyqtalǵan buzýshylyqtar boıynsha sheshim, - dedi Qýanysh Esenamanov.
Eske salaıyq, Jambyl oblysynda medıtsınalyq uıymdar 32,3 mlrd teńgeni tıimsiz jumsaǵan.