Almaty oblysynda 1200 sıyrǵa eseptelgen sút-taýarly fermasy salynady

ALMATY. KAZINFORM – Almaty oblysynyń Qonaev qalasynda 1200 bas iri qara malǵa laıyqtalǵan zamanaýı sút-taýarly fermasyn salý josparlanyp otyr.

Aýyl sharýashylyǵy mınıstrligi málimetinshe, joba sútti mal sharýashylyǵyn damytýǵa jáne otandyq ónim óndirisiniń kólemin arttyrýǵa baǵyttalǵan.
Investıtsııalyq jobany iske asyrý úshin jalpy aýmaǵy 1 955 gektar bolatyn jer telimi bólindi.

Birinshi kezeńinde 700 gektar aýmaqta mal azyqtyq daqyldardy egýge jer daıyndaý jumystary júrgizilip jatyr. Ónimdilikti arttyrý jáne sý resýrstaryn tıimdi paıdalaný maqsatynda tamshylatyp jáne jańbyrlatyp sýarý sııaqty zamanaýı tehnologııalardy qoldaný kózdelgen.

Jobany iske asyrý merzimi 2030 jylǵa deıin eseptelgen. Investıtsııanyń jalpy kólemi 15 mlrd teńgeden asady. Joba tolyq qýatyna shyqqannan keıin ferma jylyna 13 mln lıtrge deıin sút óndirýge múmkindik beredi. Bul óńirdi sapaly sút ónimderimen qamtamasyz etýge jaǵdaı jasaıdy.

Joba aıasynda eki negizgi tehnologııalyq úderisti uıymdastyrý qarastyrylǵan. Birinshisi – zamanaýı agrotehnologııalardy qoldana otyryp, mal azyqtyq daqyldardy ósirý, ekinshisi – mal sharýashylyǵy salasyndaǵy ozyq sheshimderdi paıdalana otyryp, satýǵa arnalǵan sút óndirý.

Atalǵan jobanyń júzege asyrylýy jańa jumys oryndaryn ashýǵa, aýyldyq ınfraqurylymdy damytýǵa jáne Almaty oblysynyń azyq-túlik qaýipsizdigin nyǵaıtýǵa yqpal etedi.

Aıta keteıik, elimizde 69 sút fermasy jumys istep tur,

Soltústik Qazaqstan oblysynda sút fermasy salynyp jatyr.