Almaty oblysynda 120 myńǵa jýyq adam deklaratsııa tapsyrmaǵan
QONAEV. KAZINFORM – Elimizde 2024 jyldyń 1 qańtarynan bastap jalpyǵa birdeı deklaratsııa tapsyrýdyń úshinshi kezeńi bastaldy. Deklaratsııany zańdy tulǵalardyń basshylary, jeke kásipkerler, sondaı-aq olardyń jubaılary usynýǵa mindetti. Bul týraly Almaty oblysy boıynsha Memlekettik kirister departamentiniń Óndiristik emes tólemder basqarmasynyń basshysy Oljas Asangeldiuly aıtty.
Departament málimetine sáıkes, óńirde 361 myńnan asa azamattyń tek 67 paıyzy, ıaǵnı 242 myń azamat mindetti deklaratsııany ótkizgen. Oljas Asangeldiuly óńirde deklaratsııalaýdy tolyq qamtý úshin kirister departamenti 10 myńnan astam túsindirý jumystaryn júrgizgenin, alaıda oǵan qaramastan bul jumys baıaýlap turǵanyn atap ótti.
- Deklaratsııany usynbaǵandar úshin ákimshilik jaýapkershilik qarastyrylǵan. Birinshi ret eskertý berilse, ekinshi retinde 15AEK, tolyq emes málimetterdi kórsetkeni úshin 3 AEK mólsherinde aıyppul salynady, - dedi ol.
Eske salaıyq, buǵan deıin Almatydaǵy kásipkerlerdiń tek 42%-y tıisti deklaratsııany tapsyrǵanyn jazǵanbyz.
