Almaty oblysynda 111 senim telefonyna 44 qońyraý túsken

QONAEV. KAZINFORM – Qonaevta balalardyń quqyǵyn qorǵaý jáne jasóspirimder arasynda sýıtsıdtiń aldyn alý maqsatynda jıyn ótti.

Almaty oblystyq balalar quqyǵy jónindegi ýákil Aıgúl Esimbekovanyń aıtýynsha, óz-ózine qol jumsaǵan balalardyń 90 paıyzy ata-anasymen urysqannan keıin osyndaı qadamǵa barǵan.

Al polıtsııa basqarmasynyń ókilderi oqýshylardyń psıhologııalyq minez-qulqyna zııan keltirmeý maqsatynda QR Ákimshilik quqyq buzýshylyq týraly kodeksine tıisti ózgertýler engizilgenin atap ótti. Zańnamaǵa sáıkes, kámeletke tolmaǵan adamdy jábirlegenderge (býllıng, kıberbýllıng) eskertý jasalady nemese 10 AEK mólsherinde aıyppul salynady.

- Almaty oblysy boıynsha áıelder jáne balalardyń quqyǵyn qorǵaý máseleleri boıynsha 111 senim telefonyna bıyl 44 qońyraý túsip, olardyń árqaısyna jekelegen qoldaýlar kórsetildi. Odan bólek Qonaevtaǵy «Januıa» otbasyn qoldaý ortalyǵynyń kómegine 200 adam júgindi, - dep habarlady is-shara uıymdastyrýshylary.

Eske salaıyq, 2023 jyly zorlyq-zombylyq pen býllıng qurbandary úshin «111» telefon nomeri iske qosyldy.

Buǵan deıin «111» nómirine áıelder men balalardan qandaı shaǵym jıi túsetinin jazǵanbyz.