Almaty oblysynda 11 synyp oqýshysy muǵalimdi soqqyǵa jyqty
QONAEV. KAZINFORM – Áleýmettik jelide mektep qabyrǵasynda oqýshynyń muǵalimdi uryp-soqqan beınejazbasy tarady.
Almaty oblysynyń ákimdigi bul derekke qatysty túsinikteme berdi.
Resmı jaýapqa sáıkes, beınejazbadaǵy oqıǵa 2026 jylǵy 16 qańtarda Shamalǵan aýylynyń Jańa qazaq orta mektebinde bolǵan. Saǵat 09:00 shamasynda muǵalim men 11-synyp oqýshysynyń arasynda janjal týyndaǵan. Oqytýshy jasóspirimge eskertý jasap, sabaqqa barýyn talap etken.
Alaıda oqýshy eskertýlerdi agressıvti túrde qabyldap, pedagogke qol jumsaǵan.
- Atalǵan derek boıynsha quqyq qorǵaý organdary sotqa deıingi tergeý amaldaryn bastady, qajetti tergeý sharalary júrgizilip jatyr. Oqıǵanyń barlyq mán-jaıy qoldanystaǵy zańnama aıasynda anyqtalady, tergeý qorytyndysy boıynsha tıisti quqyqtyq baǵa beriledi. Mektep ákimshiligi, bilim bólimi, sondaı-aq quzyrly organdar tarapynan qajetti profılaktıkalyq jáne túsindirý jumystary júrgizilip jatyr, - dep habarlady ákimdikten.
Eske salaıyq, pedagogter balalardyń ómiri men densaýlyǵy úshin tek oqý-tárbıe protsesi kezinde jaýapty bolady. Bul týraly Májilistiń jalpy otyrysynda bilim berý máseleleri boıynsha ózgeris engizýdi talqylaý kezinde depýtat Ashat Aımaǵambetov málim etti.
