Almaty oblysynda 10 jyl boıy isiktiń zardabyn tartyp kelgen áıelge ota jasaldy
QONAEV. KAZINFORM — Almaty kópbeıindi klınıkalyq aýrýhanasynyń (AKKA) bet-jaq hırýrgııasy bólimshesiniń dárigerleri 10 jyldan astam ýaqyt boıy isikpen ómir súrgen patsıentke ota jasady.
AKKA málimetinshe, áıel emhanaǵa aýyrsyný, tynys alýdyń qıyndaýy, uıqynyń buzylýy jáne moıyn aımaǵyndaǵy úlken isikke shaǵymdanyp kelgen. Tekserýden ótkennen oǵan shuǵyl ota jasaý týraly sheshim qabyldanǵan.
— Hırýrgtar isikti jaq asty silekeı bezimen birge alyp tastady. Ota jasaǵan brıgadanyń quramynda Marat Ysqaqov, Náılá Baıshekova, Muhammed Ysqaqov jáne Asylbek Ǵınaıatov boldy. Jaǵdaıdyń kúrdeliligine qaramastan, ota eshqandaı asqynýsyz jáne ómirlik mańyzdy qurylymdarǵa zaqym kelmeı ótti, — dep habarlady aýrýhanadan.
Otadan keıin áıeldiń jaǵdaıy aıtarlyqtaı jaqsaryp, tynys alýy qalpyna kelgen. Barlyq emdik shara Mindetti áleýmettik medıtsınalyq saqtandyrý (MÁMS) sheńberinde júrgizildi. Mamandardyń aıtýynsha, mundaı belgilerdi uzaq ýaqyt boıy eleýsiz qaldyrý aýyr asqynýdarǵa ákep soǵýy múmkin, sondyqtan bas pen moıyn aımaǵynda kez kelgen isik paıda bolǵan jaǵdaıda dárigerge ýaqytyly qaralý qajet.
Eske salaıyq, jyl saıyn týa bitken aýrýlary bar 1,5 myń nárestege kúrdeli ota jasalady.
