Almaty oblysynda 10 jastaǵy qyzdy zorlady degen kúdikpen 60 jastaǵy er adam ustaldy

Almaty oblysynyń polıtseıleri kishkentaı qyzdy zorlady degen kúdikpen 60 jastaǵy er adamdy ustady, dep habarlaıdy Kazinform.

Almaty oblysynyń polıtsııa departamenti habarlaǵandaı, 17 qazan kúni Jambyl aýdandyq polıtsııa basqarmasynda QR Qylmystyq kodeksiniń 121-babynyń 4-bóligimen jynystyq sıpattaǵy zorlyq-zombylyq áreketterin jasaý faktisi boıynsha qylmystyq is qozǵaldy.

«17 qazanda jedel-izdestirý is-sharalary men tergeý amaldary barysynda qylmys jasady kúdikpen 1963 jyly týǵan Q esimdi azamat anyqtalyp, ustaldy. Kúdikti ýaqytsha ustaý ızolıatoryna qamaldy», - dep habarlady oblystyq polıtsııa departamentiniń baspasóz qyzmetinen.

Qazirgi ýaqytta bultartpaý sharasyna sanktsııa berý úshin is materıaldary sotqa jiberildi. Іstiń tergeý barysyn Almaty oblystyq polıtsııa departamentiniń bastyǵy baqylaýǵa aldy.