Almaty oblysyna jańa ákim taǵaıyndalýy múmkin
QONAEV. KAZINFORM — Almaty oblysynda óńir basshysy laýazymyna úmitkerler erteń, 2026 jylǵy 4 qyrkúıekte máslıhat depýtattaryna tanystyrylady.
Tıisti habarlandyrý oblystyq máslıhattyń saıtynda jarııalandy. Onda Almaty oblysynyń ákimi laýazymyna taǵaıyndaýǵa kelisim berý úshin oblys aýmaǵynda ornalasqan máslıhattar depýtattarynyń jınalysy ótenini jazylǵan.
Jıyn 4 qyrkúıek saǵat 10:00–de Qonaev qalasy, Jambyl kóshesi 13/1 mekenjaıyndaǵy mádenıet úıinde ótedi.
Aıta keteıik, 2022 jyldyń maýsym aıynan beri Marat Sultanǵazıev Almaty oblysy ákiminiń qyzmetin atqaryp keledi.
Eske salaıyq, búgin, 2026 jylǵy 3 qyrkúıekte elde Úkimet quramy jasaqtaldy. Mınıstrlerdiń birshamasy burynǵy qyzmetterinde qaldy. Jańa taǵaıyndaýlar qatarynda Álibek Qýantyrov bar. Ol Ekologııa jáne tabıǵı resýrstar mınıstri bolyp taǵaıyndaldy.
Al Murat Muhanov Tótenshe jaǵdaılar mınıstri bolyp taǵaıyndaldy.
Sondaı-aq Muhtar Tileýberdi QR Syrtqy ister mınıstri bolyp taǵaıyndaldy.
