Almaty oblysy: Jibek joly aýylyn sý basyp jatyr
QONAEV. KAZINFORM – Almaty oblysy Jibek joly aýylynda kóshelerdi sý basyp jatqan vıdeo áleýmettik jelide jarııalandy.
Vıdeodaǵy jazbada Jibek joly aýylyndaǵy Tegistik, Kókqaınar, Aqjazyq kóshelerin sý basyp jatyr.
Almaty oblysynyń ákimdigi Jibek joly aýyly, Qarasý, Aqdala, Aqsý, Aq jazyq, Kókqaınar, Bógenbaı batyr, Balasaz, Jıdeli kóshelerinde jer astynan shyqqan sýlardyń jınalyp jatqanyn habarlady.
«Qazirgi tańda ákimdik tarapynan aryq jelilerin qazý jáne arnaıy tehnıkalarmen sýdy sorǵyzý jumystary júrgizilýde. Búginge deıin tórt shaqyrymnan asa aryq jelileri qazyldy. Qazirgi tańda atalǵan aımaqta jaǵdaı qalypty jáne turaqty baqylaý júrgizilip jatyr», - dep habarlady Almaty oblysy ákimdiginiń baspasóz qyzmeti.
Eske salaıyq, Almaty oblysynda «Voroshılov» sý qoımasynyń bógeti buzylǵan edi.
Saldarynan 28 adam evakýatsııalanǵan edi.