Almaty oblysy turǵyndary referendýmda belsendilik tanytyp jatyr
QONAEV. KAZINFORM –Almaty oblysy Jańatalap yqshamaýdanynyń turǵyndary №1031 referendým ýchaskesinde joǵary belsendilik tanytty.
№1031 referendým ýchaskesinde Jańatalap yqshamaýdanynyń turǵyndary tańǵy saǵattardan bastap erekshe kóńil kúımen jınalyp, daýys berýge belsendi túrde qatysty.
Alǵashqy daýys berýshilerdiń biri bolǵan jergilikti turǵyn óz tańdaýyn jasap, el bolashaǵyna beıjaı qaramaıtynyn jetkizdi. Onyń aıtýynsha, referendým — memleket damýynyń mańyzdy kezeńi, sondyqtan ár azamattyń qatysýy asa mańyzdy.
Turǵyndar usynylǵan ózgeristerdi qoldaı otyryp, zańymyzǵa engiziletin jańashyldyqtar eldiń turaqty damýyna oń áser etedi degen senim bildirdi. Daýys berý barysynda olar joǵary jaýapkershilik pen azamattyq ustanymnyń úlgisin kórsetti.
Referendýmǵa uıymdasqan túrde qatysqan jańa talaptyqtar qoǵamdyq belsendiliktiń joǵary deńgeıin tanytyp, el birligi men tatýlyǵynyń berik ekenin aıqyndady. Olardyń bul qadamy — bolashaq urpaqtyń jarqyn keleshegine baǵyttalǵan mańyzdy tańdaý.
Jańatalap yqsham aýdany turǵyndarynyń uıymshyldyqpen daýys berýi referendým kúniniń mazmunyn arttyryp, árbir azamattyń el taǵdyryna degen jaýapkershiliginiń aıqyn kórinisine aınaldy.
