Almaty oblysy Tótenshe jaǵdaılar departamentiniń basshysy aýysty
QONAEV. KAZINFORM — Almaty oblysy Tótenshe jaǵdaılar departamenti bastyǵynyń mindetin ýaqytsha atqarýshy bolyp Dáýren Orazbekov taǵaıyndaldy.
QR TJM vıtse-mınıstri Serik Tólenbergenov Tótenshe jaǵdaılar departamentiniń jeke quramyna jańadan taǵaıyndalǵan basshy Dáýren Dáýletqanuly Orazbekovti tanystyrdy. Ol departament bastyǵynyń mindetin ýaqytsha atqarýshy qyzmetin atqarady.
Dáýren Orazbekov 2004 jyly Almaty qalasyndaǵy Ortalyq Azııa ýnıversıtetin «Quqyqtaný» mamandyǵy boıynsha bitirgen. Eńbek jolyn ІІM qurylymdarynda bastaǵan, keıin Qazaqstan Respýblıkasynyń TJM-de jalǵastyryp, túrli basshylyq laýazymdardy atqardy. Osyǵan deıin QR TJM Strategııalyq josparlaý jáne jedel basqarý komandalyq ortalyǵynyń bastyǵy laýazymynda boldy.
Eske salaıyq, buǵan deıin Almaty oblysynyń ákimdiginde kadrlyq aýys-túıis bolǵanyn jazǵanbyz.