Almaty oblysynyń taýlarynda qar kóshkini júrdi
QONAEV. KAZINFORM – Almaty oblysynda ózdiginen qar kóshkini júrdi.

– Oblystyq Tótenshe jaǵdaılar departamentinen atap ótkendeı, 10 naýryz túski saǵat 15:50-de «Aqbulaq» taý shańǵy kýrortynda, teńiz deńgeıinen 2664 metr bıiktikte, kólemi 300 tekshe metr bolatyn qar kóshkini ózdiginen júrdi. Kóshkin saıǵa tústi, – dep habarlady vedomstvodan.
Zardap shekkender men qıraýlar joq.
Oqıǵa ornyna «Qazseldenqorǵaý» memlekettik mekemesi, Almaty oblysynyń TJD jáne kýrort ákimshiliginen 5 maman men 3 tehnıka shyqty.
– Jaǵdaı baqylaýda. Mamandar kýrort aýmaǵyndaǵy qar jamylǵysyna monıtorıng júrgizýdi jalǵastyryp jatyr, – dep habarlady Almaty oblysy Tótenshe jaǵdaılar departamentiniń baspasóz qyzmeti.
Osyǵan deıin Shymbulaqta shańǵyshylar qar kóshkininiń júrýine sebep bolǵany týraly jazǵanbyz.