Almaty oblysy taýlarynda qar kóshkini qaýpi saqtalady
QONAEV. KAZINFORM – Almaty taýlarynda qar kóshkini júrý qaýpine baılanysty oblystyń tótenshe jaǵdaılar departamenti eskertý jarııalady.

– Almaty oblysynyń taýlarynda 3-10 aqpan aralyǵynda kóshkin qaýpi saqtalady. TJD azamattardan, týrısterden jáne demalýshylardan qar kóshkini bolýy múmkin qarly betkeılerge shyqpaýdy, sondaı-aq taýly jerlerde barlyq qaýipsizdik talaptaryn saqtaýdy suraıdy, – delingen TJD habarlamasynda.
Vedomstvonyń málimetinshe, oblys boıynsha kóshkin qaýpi bar 55 ýchaske bar. Olar Eńbekshiqazaq, Talǵar jáne Qarasaı aýdandarynda – Іle-Alataý taýlarynyń ońtústik betkeıinde ornalasqan.
Negizinen qar kóshkini temperatýranyń joǵarylaýyna jáne jańbyr men qar túrinde mol jaýyn-shashynnyń túsýine baılanysty bolady.
Eske salaıyq, buǵan deıin Almaty oblysynda qar kóshkini qaýpine baılanysty birneshe avtojol kóktemge deıin jabylǵanyn jazǵanbyz.