Almaty oblysy sybaılas jemqorlyqpen kúres departamentine jańa basshy taǵaıyndaldy

ALMATY. KAZINFORM — Memleket basshysynyń kelisimimen Qazaqstan Respýblıkasy Sybaılas jemqorlyqqa qarsy is-qımyl agenttiginiń tóraǵasynyń buıryǵymen Bolat Serikpaıuly Jarmaqov Almaty oblysy boıynsha aýmaqtyq departamentiniń basshysy bolyp taǵaıyndaldy.

Almaty oblysynyń ákimi Marat Sultanǵazıev QR Sybaılas jemqorlyqqa qarsy is-qımyl agenttiginiń jańadan taǵaıyndalǵan Almaty oblysy boıynsha departamenti bastyǵyn oblys aktıvi jınalysynda tanystyrdy.

«Memleket basshysy aldymyzǵa qoıǵan mindetterdi Sizdermen birlese otyryp, júzege asyramyz dep senemin. Qazirgi ýaqytta bizdiń elimizde sybaılas jemqorlyqqa qarsy kúreske erekshe kóńil bólinýde, bul memlekettik saıasattyń negizgi baǵyttarynyń biri. Osy jumysta barlyǵymyzǵa sáttilik tileımin», — dedi oblys ákimi.

Bolat Jarmaqov 1986 jyly Qaraǵandy qalasynda dúnıege kelgen.

2007 jyly Qarjy polıtsııasy akademııasyn bitirdi.

2003–2007 jyldary — QR Qarjy polıtsııasy akademııasynyń tyńdaýshysy, 2007–2014 jyldary — Astana qalasy boıynsha ekonomıkalyq qylmysqa jáne sybaılas jemqorlyqqa qarsy kúres departamenti (qarjy polıtsııasy), 2014–2021 jyldary — Astana qalasy, Aqmola, Pavlodar, Túrkistan oblystary boıynsha sybaılas jemqorlyqqa qarsy qyzmet departamentterinde basshylyq laýazymdardy atqardy.

2021-2022 jyldary — QR Sybaılas jemqorlyqqa qarsy is-qımyl agenttigi anyqtaý jáne jolyn kesý qyzmeti basshysynyń orynbasary boldy.

2022-2023 jyldary — QR Sybaılas jemqorlyqqa qarsy is-qımyl agenttiginiń anyqtaý jáne jolyn kesý qyzmetiniń basshysy qyzmetin atqardy.

2023 jyldyń 15 jeltoqsannan bastap qazirgi ýaqytqa deıin — QR Sybaılas jemqorlyqqa qarsy is-qımyl agenttiginiń Almaty oblysy boıynsha departamenti basshysynyń ýaqytsha mindetin atqarýshysy boldy.