Almaty oblysy Sáýlet jáne qala qurylysy basqarmasyna jańa basshy keldi
QONAEV. KAZINFORM – Almaty oblysy ákiminiń ókimimen Almaty oblystyq Sáýlet jáne qala qurylysy basqarmasynyń jańa basshysy taǵaıyndaldy.
Arman Aıshýaqov endi Almaty oblystyq Sáýlet jáne qala qurylysy basqarmasyn basqarady.
Arman Erkinuly 1991 jyly týǵan.
Bilimi joǵary, 2013 jyly Halyqaralyq Bilim Berý Korporatsııasynyń «Qazaq bas sáýlet-qurylys akademııasyn» «Sáýlet» mamandyǵy boıynsha aıaqtap, 2014 jyly atalǵan bilim ordasynda «Sáýlet» mamandyǵy boıynsha magıstr dárejesin alǵan.
2023 jyly Prezıdent janyndaǵy memlekettik basqarý akademııasyn «Memlekettik jáne jergilikti basqarý» mamandyǵy boıynsha támamdaǵan.
Ár jyldary «PSK Arhat 2» JShS-nyń sáýletshisi, Almaty qalasy «Almatygıprogor» jobalaý ınstıtýtynyń sáýletshisi, Almaty qalasy Sáýlet jáne qala qurylysy basqarmasynyń bas mamany, Jetisý jáne Almaly aýdandarynda “qalalyq josparlaý jáne aýmaqtardy úılestirý” qyzmetiniń basshysy laýazymdaryn atqarǵan.
2025 jyldyń qyrkúıek aıynan beri Almaty qalasy Sáýlet jáne qala qurylysy basqarmasy basshysynyń orynbasary laýazymynda qyzmet etken.
Eske salaıyq, Almaty oblysynda Talǵar aýdanynyń eks-basshysy Kegen aýdanyna ákim bolǵany habarlandy.
