Almaty oblysy óńirdiń nyshanyn ózgertpek
QONAEV. KAZINFORM – Almaty oblysynyń ákimdigi óńirlik nyshan jobasyn qoǵamdyq talqyǵa usyndy.
Ákimdikten málim etkendeı, jańa nyshan óńirdiń tarıhı-mádenı murasyn, tabıǵı erekshelikteri men biregeıligin beıneleıdi.
– Atalǵan nyshan jobasy – oblystyń ımıdjin qalyptastyrýǵa, ishki birlikti nyǵaıtýǵa, sondaı-aq óńirimizdiń bolmysyn kórneki túrde kórsetýge baǵyttalǵan mańyzdy qadamdardyń biri. Osyǵan baılanysty Almaty oblysynyń jańa óńirlik nyshan jobasyn qoǵamdyq talqylaýǵa usynyp otyr. Barshańyzdy óńirimizdiń bolashaǵyna beıjaı qaramaı, óz pikirińizdi bildirýge shaqyramyz,– delingen habarlamada.
Qoǵamdyq talqylaý 2025 jyldyń 25 maýsymnan 10 shildege deıin jalǵasady. Usynys pen pikirdi daurenbaev.m@almobl.gov.kz poshtasyna joldaýǵa bolady.
Osyǵan deıin sarapshylar óńirlik nyshandardy birizdendirý máselesin talqylaǵan bolatyn.