Almaty oblysy Іle aýdanynyń ákimi ne úshin ustalǵany belgili boldy

QONAEV. KAZINFORM - Almaty oblysynyń prokýratýrasy Іle aýdanynyń ákimi Baǵdat Qarasaevtyń ustalýyna qatysty túsinik berdi.

Qadaǵalaý organynyń málimetinshe, aýdan ákimine kásipkerlik qyzmetke zańsyz qatysty, laýazymdyq ókilettikterin asyra paıdalanyp memlekettik múddelerge nuqsan keltirdi degen aıyp taǵyldy.

«2024 jylǵy 3 qyrkúıektegi jedel-izdestirý is-sharalarynyń nátıjesinde ákim B.A. Qarasaev sybaılas jemqorlyq qyzmetine kúdik boıynsha Qazaqstan Respýblıkasy Qylmystyq-protsestik kodeksiniń 128-131-baptarynyń tártibinde ustaldy. Atalǵan qylmystar úshin múlki tárkilenip, 10 jylǵa deıingi merzimge bas bostandyǵynan aıyrý túrindegi jaza kózdelgen», - dep habarlady Almaty oblysynyń prokýratýrasy.

Búgin, 4 qyrkúıekte prokýratýra bultartpaý sharasyn sanktsııalaý úshin qylmystyq is materıaldaryn sotqa joldady.

Buǵan deıin sybaılas jemqorlyqqa qarsy qyzmet Qarasaevtyń ustalǵany týraly aqparatty rastaǵan bolatyn.