Almaty oblysynda kolonııa bastyǵynyń orynbasary ustaldy

Almaty oblysy boıynsha QAJD № 14 mekemesi bastyǵynyń orynbasary birneshe ret para aldy degen kúdikpen ustaldy, dep habarlaıdy Kazinform agenttiginiń tilshisi.

— 2024 jylǵy 13 qarashada Almaty oblysy prokýratýrasynyń sotqa deıingi tergep-tekserý basqarmasy Almaty oblysy boıynsha QAJD № 14 mekemesi bastyǵynyń orynbasary para aldy degen kúdikpen ustady, — dep habarlaıdy Almaty oblysy prokýratýrasynyń baspasóz qyzmeti.

Qylmystyq is sheńberinde bolǵan oqıǵanyń mán-jaıyn anyqtaýǵa baǵyttalǵan qajetti tergeý áreketteri júrgizilip jatqany atap ótildi. Qazaqstan Respýblıkasy Qylmystyq-protsestik kodeksiniń 201-babynyń talaptaryna sáıkes ózge de aqparat jarııa etilmeıdi.

Buǵan deıin Almatyda polıtsııa qyzmetkerine pyshaq siltegen kúdikti ustalǵany belgili boldy.