Almaty oblysynyń Qaskeleń ózeninde sel júrdi
QONAEV. KAZINFORM — Almaty oblysy Qarasaı aýdany Qaskeleń ózeninde sel júrdi.
Sý aǵynynyń vıdeosyn Qaskeleń turǵyndary vıdeoǵa túsirip alǵan.
Almaty oblysynyń tótenshe jaǵdaılar departamenti 21 aqpan kúni saǵat 18:45-te Qarasaı aýdany Qaskeleń qalasynda muzdy sý tasqyny júrip ótkenin habarlady.
Sel Qaskeleń ózeni arnasynyń boıymen «Jerana» ortalyq bazarynan tómen qaraı Abylaı han kóshesiniń boıyndaǵy kópir ótkeline deıin baıqalǵan.
«Ózen arnasyndaǵy sel kezinde sý aǵyny shamamen sekýndyna 10 tekshe metr boldy (eń joǵary meje — sekýndyna 30 tekshe metr), sýdyń laılanýy — 2 ball. Zardap shekkender joq, úılerdi sý baspady, sý ózen arnasynan asqan joq», — dep habarlady tótenshe jaǵdaılar qyzmetiniń baspasóz qyzmeti.
Sel júrip ótkennen keıin saǵat 20:00–de ózendegi sý shyǵyny — sekýndyna 2,5 tekshe metr boldy, sý laı emes.
Ózen arqyly sý aǵyny qalypty jaǵdaıda júrip jatyr.
Qazseldenqorǵaý gıdrobeketi táýlik boıy monıtorıng júrgizedi. Jaǵdaı birqalypty.
