Almaty oblysy energetıka jáne sýmen jabdyqtaý basqarmasyna jańa basshysy taǵaıyndaldy
QONAEV. KAZINFORM – 2026 jyldyń 8 qańtarynan bastap Nurlan Ómirhanuly Ómirhanov Almaty oblysynyń energetıka jáne sýmen jabdyqtaý basqarmasynyń basshysy laýazymyna taǵaıyndaldy.
Nurlan Ómirhanov 1985 jyly týǵan, bilimi – joǵary. 2007 jyly Qazaq bas sáýlet-qurylys akademııasyn «Sýmen jabdyqtaý, sý burý jáne sý resýrstaryn qorǵaý» mamandyǵy boıynsha támamdaǵan.
Eńbek jolyn 2007 jyly «Bazıs» jobalaý ınstıtýtynda II sanattaǵy sýmen jabdyqtaý jáne sý burý ınjeneri qyzmetinen bastaǵan.
Ár jyldary «Aı-Bek stroı» JShS-niń bas ınjeneri, «Almaty Sý Holdınginiń» sharýashylyq júrgizý quqyǵyndaǵy enshiles memlekettik kommýnaldyq kásiporny «Sý Jelisi» mekemesinde dıspetcherlik qyzmettiń aýysym ınjeneri jáne II sanattaǵy ınjener, Almaty qalasy qurylys basqarmasynyń statıstıgi, energetıka jáne kommýnaldyq sharýashylyq basqarmasynyń bas mamany, «Tomı» jeke kásipkerliginde qurylys ýchaskesiniń bastyǵy, «Asý Stroı LTD» JShS-de ınjenerlik jeliler qurylysy ýchaskesiniń bastyǵy – tehnıkalyq dırektory qyzmetterin atqarǵan.
2025 jylǵy sáýir aıynan bastap Almaty oblysynyń energetıka jáne sýmen jabdyqtaý basqarmasynda bólim basshysy laýazymyn atqaryp keldi.
Eske salaıyq, buǵan deıin apta ishindegi kadrlyq taǵaıyndaýlar týraly jazǵanbyz.