Almaty oblysy Eńbekshiqazaq aýdanynda qar qursaýynda qalǵan azamattar qutqaryldy
Almaty oblysynyń Eńbekshiqazaq aýdanynda qar qursaýynda qalǵan azamattar evakýatsııalandy, dep habarlaıdy Kazinform.
«2023 jylǵy 15 jeltoqsanda saǵat 09:22 - de Almaty oblysy TJD kezekshi bólimine Eńbekshiqazaq aýdany Qarajota aýylynan 15 shaqyrym jerde qar qursaýynda 2 avtomobıl (júk kóligi jáne jeńil kólik) turyp qalǵany jáne onyń ishinde 1982, 1968, 1985 jyly týǵan 3 er adam bolǵandyǵy týraly habarlama kelip tústi», - dedi Almaty oblysy Tótenshe jaǵdaılar departamentinen.
Azamattardy evakýatsııalaý úshin departamenttiń 4 qyzmetkeri men TREKOL jol talǵamaıtyn kóligi shyqty. Oqıǵa ornyna kelgennen keıin bul adamdar jaıaý eń jaqyn sharýa qojalyǵyna jetkeni belgili boldy.
Saǵat 15:00-de 1982 jyly týǵan er adamdy Eńbekshiqazaq aýdany Shelek aýylyna evakýatsııalaý júzege asyryldy, sharýa qojalyǵynda qalǵan eki qyzmetkerge tamaq jetkizildi. Medıtsınalyq kómek qajet bolmady.
«Almaty oblysynyń TJD azamattardy daýyldy eskertýlerdi nazardan tys qaldyrmaýǵa jáne qysqa sms habarlamalar alǵan kezde alys jolǵa shyqpaýǵa shaqyrady», - dep eskertti departamentten.
