Almaty oblysy Din isteri basqarmasynyń basshysy taǵaıyndaldy

Almaty oblysy ákiminiń ókimimen oblystyq Din isteri basqarma basshysy laýazymyna Erǵalı Kósheke taǵaıyndaldy, dep habarlaıdy Kazinform.

Almaty oblysy ákimdigi baspasóz qyzmetinen málim etkendeı, Erǵalı Kósheke 1992 jyly týǵan, bilimi joǵary, 2013 jyly ál-Farabı atyndaǵy Qazaq ulttyq ýnıversıtetin «Áleýmettik jumys» mamandyǵy boıynsha bitirgen.

2015 jyly ál-Farabı atyndaǵy Qazaq ulttyq ýnıversıtetinde «Áleýmettaný» mamandyǵy boıynsha magıstr dárejesin alǵan.

Eńbek jolyn 2014 jyly Almaty qalasy ishki saıasat basqarmasynyń Almaly aýdany boıynsha aýmaqtyq bóliminiń bas mamany bolyp bastaǵan.

Ár jyldary Almaty qalasy din isteri jónindegi basqarmasynyń dinı birlestiktermen jumys jónindegi bóliminiń basshysy, Almaty qalasy Qoǵamdyq damý basqarmasynyń kelisim bóliminiń basshysy laýazymdarynda jumys istedi.

2022 jyldyń shilde aıynan búgingi kúnge deıin Almaty qalasy din isteri jónindegi basqarma basshysynyń orynbasary laýazymynda qyzmet atqardy.