18:47, 10 Qazan 2025 | GMT +5
Almaty oblysy boıynsha Memlekettik kirister departamentiniń basshysy taǵaıyndaldy
ALMATY. KAZINFORM – Qarjy mınıstrliginiń apparat basshysy Ernar Erjanov Almaty oblysy boıynsha Memlekettik kirister departamentiniń ujymyna jańa basshy – Shyńǵys Ánýarbekovti tanystyrdy.
Shyńǵys Ánýarbekov eńbek jolyn 1998 jyly Almaty qalasy Túrksib aýdany boıynsha Salyq komıtetinde maman bolyp bastaǵan.
Buǵan qosa ár jyldary Almaty qalasy, Jambyl, Aqmola jáne Qostanaı oblystary boıynsha salyq departamentterinde basshylyq qyzmetter atqardy.
2022 jyldyń tamyz aıynan bastap búginge deıin Astana qalasy boıynsha Memlekettik kirister departamentin basqarǵan.
Eske sala keteıik, buǵan deıin Temirjol jáne sý kóligi komıtetiniń tóraǵalyǵyna jańa basshy kelgenin jazǵan edik.