Almaty oblysy boıynsha 500 erikti sý tasqynynan zardap shekken óńirlerge jumyldyryldy

ASTANA. KAZINFORM – Almaty oblysynyń 9 aýdany men 1 qalasyndaǵy «Kúshimiz birlikte» volonterlik front-ofısteri, sondaı-aq, «Amanat» partııasy, Qoǵamdyq kelisim jáne damý ortalyǵy, Qazaqstan musylmandary dinı basqarmasy, «Jastar rýhy», oblystyń belsendi azamattary, kásipkerler men qoǵamdyq birlestikter 230 tonnadan astam gýmanıtarlyq kómek jınap, Batys Qazaqstan oblysy, Oral qalasy, Atyraý oblysyna 230 tonna jetkizdi.

Bul týraly Ortalyq kommýnıkatsııalar qyzmetinde ótken brıfıngte Almaty oblysy volonterler front-ofısiniń basshysy Maqsat Keneshov baıanadady.

Belgili bolǵandaı, Almaty oblysy atynan Batys Qazaqstan oblysy Oral qalasyna 15 volonter kómekke barǵan. Jalpy 9 aýdan, 1 qala boıynsha 3 apta kóleminde 500 volonter jumys atqarǵan.

«QTJ arqyly 130 tonna jóneltilse, júk kólikteri arqyly 100 tonna jetkizildi. Sondaı-aq zardap shekken aımaqtarǵa qutqarý jumystaryna arnalǵan 171 tehnıka jiberilip, «Qazaqstan halqyna» jáne «Demeý Qazaqstan» qorlaryna 48 mln teńge qarjylyq kómek aýdaryldy», – dedi M. Keneshov.