Almaty oblysy Astanadaǵy jármeńkege 180 tonna ónim jetkizdi

ALMATY. KAZINFORM — Almaty oblysynan elordaǵa dástúrli aýyl sharýashylyǵy jármeńkesine qatysý úshin shamamen 180 tonna aýyl sharýashylyǵy ónimi jetkizildi. Bul týraly oblystyń resmı saıty jazdy.

Astanalyqtar 40-tan astam túrli azyq-túlik ónimderin satyp ala alady. Onyń ishinde 13 tonna et pen qus eti, 25 tonna kókónis pen jemis-jıdek, sondaı-aq 21 tonna kartop pen tabıǵı ónimder bar. Jármeńkedegi baǵalar naryqtaǵydan shamamen 15%-ǵa tómen bolady.

Almaty oblysy ákiminiń orynbasary Baqytnur Baqytulynyń aıtýynsha, óńirler jyl saıyn jármeńkege qatysyp, elorda turǵyndaryna óz ónimderin usynady.

— Bıyl biz negizgi basymdyqty alma men et ónimderine berdik, sonymen qatar sút ónimderin de alyp keldik. Bul — bizdiń oblystyń ereksheligi, — dedi ol.

Barlyq júk kólikteri mindetti tehnıkalyq tekseristen ótti. Tasymaldaý kezinde sanıtarlyq talaptar men qaýipsizdik sharalary tolyq saqtaldy.

Jalpy elordadaǵy jármeńkede Almaty, Jetisý jáne Mańǵystaý oblystarynyń sharýalary 350 tonnaǵa jýyq ónim usynady.