Almaty oblysy ákiminiń orynbasary taǵaıyndaldy

ASTANA. KAZINFORM — Almaty oblysy ákiminiń ókimimen Ǵanı Maılybaev 2025 jylǵy 3 qazannan bastap Almaty oblysy ákiminiń orynbasary laýazymyn atqarady, dep habarlaıdy oblys ákimdiginiń baspasóz qyzmeti.

Ǵanı Aıdaruly Maılybaev 1987 jyly týǵan. Bilimi — joǵary. 2008 jyly Abaı atyndaǵy qazaq ulttyq pedagogıka ýnıversıtetin «qarjy» mamandyǵy, 2018 jyly Reseı Federatsııasy Prezıdentiniń janyndaǵy Reseı halyq sharýashylyǵy jáne Memlekettik qyzmet akademııasyn «aımaqtyq jáne mýnıtsıpaldy basqarý» mamandyǵy boıynsha bitirgen, 2010 jyly Abaı atyndaǵy qazaq ulttyq pedagogıka ýnıversıtetinde «quqyq jáne ekonomıka negizderi» mamandyǵy boıynsha magıstr dárejesin alǵan.

Eńbek jolyn 2008 Almaty qalasy «Nur Otan» partııasy Bostandyq aýdandyq fılıalynyń esep jáne statıstıka sektorynyń meńgerýshisi bolyp bastaǵan.

Ár jyldary Almaty qalasy «Nur Otan» partııasy Alataý aýdandyq fılıalynyń zańger-konsýltanty, Medeý aýdandyq fılıaly tóraǵasynyń birinshi orynbasary, Almaty qalasy Medeý, Naýryzbaı aýdandary ákiminiń orynbasary, Jambyl oblysy týrızm basqarmasynyń basshysy laýazymdaryn atqarǵan.

2020 jyldyń jeltoqsan aıynan bastap Almaty qalasy mádenıet basqarmasynyń basshysy laýazymynda qyzmet etti.

Budan buryn Rýslan Berdenov jańa qyzmetke taǵaıyndalǵanyn jazǵanbyz.