Almaty oblysy ákiminiń keńesshisi bolyp Amanjol Ibragımov taǵaıyndaldy
QONAEV. KAZINFORM — Almaty oblysy ákimi apparaty basshysynyń mindetin atqarýshysy buıryǵymen Amanjol Ibragımov 2025 jyldyń 17 aqpanynan bastap Almaty oblysy ákiminiń keńesshisi laýazymyna taǵaıyndaldy.
Amanjol Ibragımov 1968 jyly týǵan, bilimi joǵary.
1995 jyly Ál-Farabı atyndaǵy Qazaq Ulttyq ýnıversıtetin «Shyǵystaný» mamandyǵy boıynsha, 2004 jyly M.Tynyshpaev atyndaǵy Qazaq kólik jáne kommýnıkatsııa akademııasyn «Ekonomıka jáne menedjment» mamandyǵy boıynsha bitirgen.
Eńbek jolyn 1995 jyly Almaty temirjolynyń jetekshi mamany qyzmetinen bastaǵan. 18 jyldaı «QTJ» UK» AQ-nyń QHR-ǵy Ókildik jumystaryn basqarǵan.
Ár jyldary «Qazaq temir joly respýblıkalyq memlekettik kásiporynynyń halyqaralyq basqarmasynda, Shyńjań — Uıǵyr avtonomııalyq aýdany ókildiginiń basshysy, «QTJ» UK-nyń halyqaralyq basqarmasynyń bólim basshysy, QHR jáne Ońtústik-Shyǵys Azııa ókildiginiń basshysy, «QTJ» UK» Prezıdent keńesshisi, «QTJ Ekspress» AQ-nyń Prezıdent keńesshisi, «Qazposhta» AQ-nyń fılıal dırektory, «KTJ Ekspres» AQ-nyń konteıner tasymaldaý departamentiniń dırektory, «Eurasia Supply Chain Aktau/Almaty» JShS bas dırektorynyń orynbasary laýazymdaryn atqarǵan.
2024 jylǵy qazan aıynan qazirgi ýaqytqa deıin «TezJet Cargo» JShS-nyń bas dırektory laýazymynda boldy.
Eske salaıyq, buǵan deıin Almaty oblysynyń ákimdiginde kadrlyq aýys-túıis bolǵanyn jazǵanbyz.