Almaty oblysy 90 myń gektar jerdi memleket menshigine qaıtarmaq

QONAEV. KAZINFORM — Jyl basynan beri Almaty oblysynda 9 myń gektar jer memleket menshigine qaıtaryldy.

Almaty oblysy jer qatynastary basqarmasynan málim etkendeı, byltyr oblys aýmaǵynda jalpy alańy 89,7 myń gektar bolatyn 357 jer ýchaskesi memleket menshigine qaıtaryldy.

2025 jyly maqsaty boıynsha paıdalanylmaıtyn nemese jer zańnamasyn buza otyryp berilgen aýyl sharýashylyǵy maqsatyndaǵy taǵy 90 myń gektar jerdi qaıtarý josparda.

— Osy jyldyń basynan bastap qaıtarylǵan jerlerdiń 559,0 gektaryna tıptik jaldaý sharttaryn joıý týraly sot sheshimderi shyǵaryldy. Qalǵan 8 576,0 ga jer ýchaskelerin ıeleri óz erkimen nemese basqa zańdy protsedýralar arqyly qaıtardy, — dep habarlady basqarmadan.

Osyǵan deıin Almaty oblysynda 8 sý qoımasy memleketke qaıtarylǵany týraly jazǵan edik. 

Keıin memleket menshigine ótken nysandarǵa jóndeý jumystary júrgiziletini belgili boldy. 

Josparda dambalardy nyǵaıtý, sý jiberý shlıýzderin jóndeý, sý qoımalarynyń jaǵdaıyn, ásirese sý tasqyny kezeńinde, baqylaýdy kúsheıtý jáne nysandardy turaqty monıtorıngten ótkizý bar.