Almaty meıramhanalarynyń birinde atys boldy

ALMATY. KAZINFORM – Qarý qoldanǵan er adamdy tártip saqshylary ustady.

Almaty qalasy Polıtsııa departamentiniń málimetinshe, qala meıramhanalarynyń birinde ózara tanys er adamdar arasynda janjal shyǵyp, olardyń biri ekinshisiniń aıaǵyna oq atqan.

- Travmatıkalyq qarýdy qoldaný deregi boıynsha Alataý aýdandyq Polıtsııa basqarmasy qylmystyq is qozǵady. Jetisý oblysynyń týmasy, 35 jastaǵy kúdikti ustaldy jáne ýaqytsha ustaý ızolıatoryna qamaldy. Travmatıkalyq qarý tárkilendi. Basqa da mán-jaılar anyqtalyp jatyr, - dep habarlady departamentten.

Oqıǵanyń beınejazbasy áleýmettik jelide tarady. 

Eske salaıyq, buǵan deıin Almaty oblysynyń Talǵar aýdanynda atys bolǵanyn jazǵanbyz.