Almaty metrosynyń poıyzynan tútin shyqty

ALMATY. KAZINFORM — Áleýmettik jelide Almaty metrosyndaǵy poıyzdardyń birinen tútin shyqqany týraly aqparat tarady.

Metropolıten baspasóz qyzmeti bul aqparatty rastady. Resmı málimetke sáıkes, Abaı beketinde saǵat 18:04–te toqtaǵan poıyzdan tútin ıisi sezilgen. Aldyn ala derek boıynsha ol qysqa tuıyqtalý bolýy múmkin.

— Mashınıst jedel túrde jyljymaly quramdy toqtatý jáne jolaýshylardy túsirý boıynsha tıisti sharalardy qabyldady. Saǵat 18:20–da jyljymaly quram tekserý úshin depoǵa jiberildi. Sebepteri anyqtalyp jatyr. Onyń ornyna rezervtik quram iske qosylyp, poıyz qozǵalysy 15 mınýt ishinde qalpyna keltirildi. Metropolıten shtattyq rejımde jumys istep tur. Keltirilgen qolaısyzdyqtar úshin keshirim suraımyz, — delingen habarlamada.

Almaty qalasy TJD málimetinshe, 112 pýltine metropolıten dıspetcherinen «Abaı» metro beketinde qysqa tuıyqtalý bolǵany týraly habarlama túsken. Oqıǵa ornyna TJD kúshteri men quraldary jedel túrde jiberilgen. Tekserý barysynda ashyq ot anyqtalǵan joq.

Eske salaıyq, Almaty metrosynda 14 jylda 200 mln jolaýshy tasymaldanǵan.